دليل شامل لكل ما تريد معرفته عن شهادة التحركات
كتير بيسأل عن شهادة التحركات وإيه هي شهادة التحركات وإيه هي الأوراق المطلوبة لاستخراج شهادة التحركات؟! أسئله طبيعيه جدًا ومهمه لأي حد بيفكر يسافر أو بيحتاج الوثيقه دي لأي إجراء رسمي. كتير مننا بيسمع عنها بس مش بيكون عارف بالظبط إيه فايدتها، أو منين يطلع شهادة التحركات، أو إيه الخطوات اللي يمشي عليها.
 |
| كل ما تريد معرفته عن شهادة التحركات و كل المطلوب لإستخراجها |
في البوست ده هتتعرف على كل حاجة عن شهادة التحركات و جميع المتطلبات والأوراق المطلوبة لاستخراج شهادة التحركات بكل سهولة، وكمان سعر شهادة التحركات و استخراج شهادة تحركات في نفس اليوم. الموضوع ده مهم جدًا لكل مسافر أو ناوي يسافر، أو حتى للي بيقدم على أي إجراء بيتطلب سجل تحركاته.
ما فائدة شهادة التحركات؟ لماذا هي أساسية لسفرياتك؟
شهادة التحركات هي ورقه بسيطه بتطلعها من الجوازات، بيكون مكتوب فيها تحركاتك وسفرياتك خلال مدة معينة. مثلًا، شهادة التحركات لدول شنجن بتكون لآخر سبع سنين. وبالتالي لما تيجي تعمل استخراج شهادة التحركات هيبان فيها لو كنت سافرت قبل كده ولا لأ، ولو كنت سافرت قبل كده هيبان فيها كل سفرياتك ، و شكل شهادة التحركات هي ورقه بسيطه جداً بيكون مكتوب فيها بياناتك و سفرياتك السابقه لو عندك أي تاريخ سفر سابق.
أهمية شهادة التحركات لا تقتصر فقط على إظهار سجل سفرك، بل تتعدى ذلك لتصبح وثيقة ضرورية في عدة سياقات رسميه و حيويه:
- متطلب أساسي لتأشيرات بعض الدول 👈 العديد من السفارات والقنصليات، خصوصاً التابعة لدول شنجن، تطلب هذه الشهادة كجزء لا يتجزأ من ملف طلب التأشيرة. إنها تساعدهم على تقييم مدى التزامك بقوانين الهجرة والعودة، وتوفر لهم نظرة شاملة على تاريخك كمسافر.
- إثبات التواجد أو عدم التواجد داخل البلاد 👈 في بعض القضايا القانونيه، الإداريه، أو حتى الضروريه، قد تحتاج لإثبات أنك كنت خارج البلاد في فترة معينة، أو العكس. هذه الشهادة هي الدليل الرسمي الوحيد الذي يقدم هذه المعلومات بدقة.
- لم الشمل و الهجره 👈 في بعض إجراءات الهجره أو لم شمل الأسرة لبعض الدول، تُعد شهادة التحركات وثيقه داعمه تظهر تاريخ تنقلاتك، مما يساعد الجهات المعنيه على تقييم ملفك بشكل كامل.
من أين يمكن استخراج شهادة التحركات؟ استخراج شهادة تحركات مستعجلة من العباسية
استخراج شهادة التحركات من أي جوازات، و لكن الأفضل جوازات العباسيه بالقاهره؛ لأن فيها خدمة استخراج شهادة التحركات مستعجل، وبتقدر تستلمها في خلال نص ساعة فقط. هذا الخيار هو الأسرع والأكثر كفاءة، ومناسب جدًا لو مستعجل على الشهادة.
بالإضافة إلى جوازات العباسيه اللي تعتبر المركز الرئيسي و الأسرع، هناك أماكن أخرى ممكن تستخرج منها شهادة التحركات، لكن ممكن تاخد وقت أطول:
- إدارات الجوازات بالمحافظات المختلفه - كل محافظة في مصر ليها إدارة جوازات خاصة بها، تقدر تروحها وتطلب استخراج شهادة التحركات، لو كنت مثلاً في الأسكندريه و عايز تستخرج شهادة التحركات من الأسكندريه، هتروح لإدارة الجوازات هناك. المدة هنا ممكن تكون أطول شويه من العباسيه، ممكن تاخد أيام لأستلامها.
- عبر المنصات الإلكترونيه - تقدر تقدم على شهادة التحركات اونلاين لكن هتروح تستلمها من الجوازات.
إيه هي متطلبات استخراج شهادة التحركات؟
متطلبات استخراج شهادة التحركات بسيطة جدًا، فقط صورتين بطاقة وصورة باسبور (و يبقى معاك البطاقة وال باسبور نفسهم عشان ممكن يشيك عليهم منك). دي الأوراق الأساسية اللي لازم تكون معاك وانت رايح تقدم الطلب.
- بطاقة الرقم القومي 👈 صورتان ضوئيتان - تأكد إنهم واضحين وغير تالفين. و الأصل - ضروري جدًا يكون معاك أصل البطاقة، لأن الموظف ممكن يطلب الاطلاع عليها للمطابقة والتحقق من شخصيتك. و الصلاحيه - تأكد إن البطاقة سارية المفعول، بطاقة منتهية الصلاحية هتوقف الإجراءات.
- الباسبور 👈 صورة ضوئيه - صوره واضحه لصفحه البيانات في جواز السفر (اللي فيها صورتك ومعلوماتك). الأصل - زي البطاقة بالظبط، لازم يكون معاك أصل الباسبور، ممكن يطلبوا الاطلاع عليه. الصلاحيه - تأكد إن الباسبور ساري المفعول، حتى لو هتطلع الشهادة عن فترة سابقة، الباسبور الحالي لازم يكون ساري. لو عندك أكتر من باسبور في الفترة المطلوبة (مثلاً 7 سنين)، الأفضل تاخد صور من كل الباسبورات اللي سافرت بيها في المدة دي، وتكون الأصول معاك. تحديد المدة المطلوبه - مهم جدًا إنك تكون عارف بالظبط الفترة الزمنية اللي محتاج شهادة التحركات تغطيها، سواء كانت 7 سنين لدول الشنجن أو فترة أقصر او أكثر لأي غرض تاني.
مبلغ الرسوم - جهز مبلغ الرسوم كاش ( 170 جنيه للمستعجل و 200 جنيه للترجمه ) لأن غالباً مش بيكون فيه دفع بالفيزا.
ملحوظه مهمه و إنت رايح تطلع شهادة التحركات خد معاك قلم عشان مش هتلاقي قلم تكتب بيه هناك. دي نصيحه مهمه جداً هتوفر عليك وقت و معاناة البحث عن قلم في مكان زحمه زي الجوازات.
كام سعر استخراج شهادة التحركات؟ رسوم استخراج شهادة تحركات مستعجلة
سعر استخراج شهادة التحركات مستعجل هو 170 جنيه، واستلام شهادة التحركات في خلال نص ساعه. السعر ده يعتبر رسوم الخدمه السريعه اللي بتخليك تستلم الشهادة في وقت قياسي.
الجدول ده بيلخص لك التكاليف :
| الخدمه | الوصف | التكلفه ( بالجنيه المصري ) |
|---|---|---|
| استخراج شهادة التحركات (مستعجل) | خدمة سريعة لاستلام الشهادة في نفس اليوم ( في خلال نص ساعه ). | 170 جنيهًا |
| ترجمة شهادة التحركات المعتمدة | ترجمة الشهادة من العربية إلى لغة أخرى ( مثل الإنجليزي ) معتمدة. | 200 جنيهًا |
| تصوير المستندات | لو محتاج تصور البطاقة أو الباسبور هناك. | حسب عدد الورق |
| استخراج شهادة التحركات (عادي) | لو هتقدم طلب عادي مش مستعجل ( مش متوفر في كل الأماكن بنفس سهولة المستعجل ). | أقل من 170 جنيهًا |
أسئله شائعه عن شهادة التحركات
كم تستغرق مدة استخراج شهادة التحركات؟
كما ذكرنا مدة استخراج شهادة التحركات بتعتمد على نوع الخدمة اللي هتختارها. لو هتطلعها مستعجل من جوازات العباسيه، فالموضوع كله مش بياخد أكتر من نص ساعه في أغلب الأحوال. لو هتطلعها من أي قسم جوازات تاني كخدمه عاديه، ممكن تاخد كذا يوم، و بيتم تحديد ميعاد لإستلامها.
من لا يحتاج شهادة تحركات؟
في بعض السفارات الشخص أقل من 18 سنه لا يحتاج شهادة تحركات، و بعض السفارات أو الجهات الرسميه بتطلب شهادة التحركات كإجراء روتيني حتى لو المتقدم لم يسبق له السفر. في الحالة دي هتطلع الشهادة و هيكون مكتوب فيها إنه لا يوجد سفريات مسبقه. ،فلو الجهة اللي بتقدم لها طالبة شهادة التحركات، يبقى لازم تطلعها حتى لو مافيش سفر سابق.
🔴 في النهايه - شهادة التحركات ورقه مهمه جداً لو كنت بتقدم على فيزا بعض الدول اللي بتطلبها زي فيزا دول شنجن، وعملية استخراجها سهلة وكل الأوراق المطلوبه متوفره. الأفضل تروح جوازات العباسيه لو عايزها مستعجل و تستلمها في نفس اليوم. كمان لو محتاج ترجمة شهادة التحركات ترجمه معتمده تقدر تعملها في نفس المكان بسرعه وبسعر مناسب، نتمنى تكون كل المعلومات دي أفادتك بحيث تخلي استخراج شهادة التحركات بالنسبالك أسهل بكتير. لان المعرفه بكل التفاصيل بيفرقوا كتير في تسهيل أي إجراء حكومي.
Tags
دليل السفر